Մաքուր է այնտեղ, որտեղ ոչ միայն մաքրում են, այլ նաև չեն կեղտոտում
Օգոստոսի 7-ին Նինոծմինդա քաղաքի “PITA” երիտասարդական կենտրոնը անցկացրեց Խոջաբեկի անտառի մաքրման աշխատանքներ:
Կենտրոնի ակտիվիստները 1 ժամվա ընթացքում անտառի փոքր տարածքից հասցրին հավաքել 10 պարկ աղբ: Ակտիվիստները նմանատիպ ակցիաներ հաճախ են կազմակերպում: Այս տարածքը ևս նրանք նախկինում մի քանի անգամ մաքրել են:
Աղբի խնդիրը ակտուալ է Նինոծմինդայի մունիցիպալիտետում, քանի որ բնակիչները չեն հավաքում իրենց հետևից և շպրտում են աղբը ուր պատահի:
՛՛Մարդիկ չեն հարգում մեր աշխատանքը: Մենք առանց օգնության չենք կարող մաքրել ամբողջ անտառի տարածքը: Ըստ այդմ մենք որոշել ենք հաջորդ ակցիայից առաջ դիմել գամգեբելիին և օգնություն խնդրել՛՛,- մեզ հետ զրույցում նշեց երիտասարդական կենտրոնի ծրագրերի համակարգող Իրինա Ղարսլյանը:
Ակցիայի մասնակիցները պատրաստել էին մի շարք պաստառներ՝ մաքրություն պահպանելու մասին կոչերով ու լոզունգներով:
Անահիտ Զալալյան