Ֆուտբոլի բաց մրցաշար՝ նվիրված Ժդանովական գյուղի տոնին
Օգոստոսի 7-8-ը Ժդանովական գյուղում անցկացվեց ֆուտբոլի բաց մրցաշար` նվիրված Ժդանովական գյուղի տոնին, որը կազմակերպել էր համանուն գյուղի բնակիչ Գեորգի Ռաֆայելյանը:
Մրցաշարին մասնակցում էին Նինոծմինդայի մունիցիպալիտետի գյուղերի թիմերը` Հեշտիա, Թորիա, Մեծ Խանչալի, Փոքր Խանչալի գյուղերի թիմերը և ևս երկու թիմ Ժդանովական գյուղից: 2 օրվա ընթացքում այս թիմերը պայքարում էին լավագույնի կոչման համար: Ժդանովական գյուղի թիմը, հաղթելով Հեշտիայի, Թորիայի և Մեծ Խանչալիի թիմերին, դարձավ մրցաշարի հաղթող:
Ժդանովական գյուղը հիմնադրվել է 1930թ.: Գյուղի բնակիչները եկել են Հեշտիա գյուղից, որոնց թիվն այժմ կազմում է հինգ հարյուր: Բնակիչները հիմնականում զբաղվում են գյուղատնտեսությամբ և անասնապահությամբ:
Մանրամասները լսեք նյութում.
Նյութը պատրաստեց Նոր ռադիոյի կամավոր Մարտին Արոյանը