«Փարվանա» պարային համույթը մասնակցեց Հայ- վրացական պարի փառատոնին
Մայիսի 31-ին Հայաստանի Էջմիածին քաղաքում «Փարվանա» պարային համույթը մասնակցեց Հայ-վրացական պարի փառատոնին նվիրված մանուկների տոնին։ Քաղաքը վերածվել էր իրական տոնի, արվեստի բարեկամության և մանկական ուրախության կենտրոնի։
«Հայ-վրացական պարի փառատոնը մեկ հարկի տակ էր հավաքել երկու եղբայր ժողովուրդների մշակույթները՝ հյուսելով ընկերության և փոխհամաձայնության թելեր»,- նշում է պարուսույց Լուսինե Մզիկյանը։
Փառատոնը առանձնահատուկ էր ոչ միայն իր գեղեցիկ և փայլուն մասնակիցներով, գունեղ պարերով և երաժշտական համադրություններով, այլև նրանով, որ այն համընկել էր «Փարվանա» համույթի գեղարվեստական ղեկավար Լուսինե Մզիկյանի ծննդյան օրվա հետ։
«Փարվանա» համույթը փառատոնի ընթացքում փայլեց իր գեղարվեստական ներկայացմամբ՝ ներկայացնելով ազգային պարարվեստի լավագույն նմուշները։ Երեխաների ոգևորությունն ու ներդաշնակ շարժումները հանդիսատեսին փոխանցեցին անկեղծ ուրախություն և մշակութային հպարտություն։
Փառատոնի ավարտին բոլոր մասնակիցները պարգևատրվել են հուշանվերներով և պատվոգրերով՝ որպես գնահատանք իրենց տաղանդի, նվիրվածության և հայ-վրացական մշակութային կապերի ամրապնդման գործում ունեցած ներդրման։
Տեսանյութ․
