Թուրքիայում հարյուրավոր զբոսաշրջիկներ են տուժել
Թուրքիայում հանցավոր խմբավորման գործողություններից առնվազն 268 զբոսաշրջիկ է տուժել։ Այս մասին հայտնում է թուրքական Ege telegraf պարբերականը:
20 հոգուց բաղկացած հանցավոր խումբը օտար երկրներից զբոսաշրջության նպատակով Թուրքիա ժամանած քաղաքացիների քարտերից ընդհանուր առմամբ 29,2 միլիոն դոլար է գողացել, սակայն ինչպես տուժածները, այնպես էլ վնասը, վերջնական հաշվարկներով, շատ ավելին կարող են լինել։
Պարբերականի փոխանցմամբ՝ հանցավոր խմբավորումը գործել է երկրի տարբեր շրջաններում, զբոսաշրջիկներին կողոպտել են Ստամբուլում, Անթալիայում, ինչպես նաև ծովափնյա հանգստի այլ գոտիներում։
Հանցագործներն անպատիժ ու անարգել գողություններ են կատարել ամիսներ շարունակ, իսկ ոստիկանությանն ընդամենը օրերս է հաջողվել ձերբակալել նրանց։
Opinion, pooling and voting
