Թբիլիսին և Երևանը քույր քաղաքներ են. Տկղեմալաձե
Թբիլիսիի փոխքաղաքապետ Գիորգի Տկղեմալաձեն հանդիպել է Երևանի փոխքաղաքապետ Արմեն Փամբուկչյանին։ Վերջինս այցելել է Թբիլիսի` մասնակցելու համար Տեղական զարգացման տարածաշրջանային ֆորումին:
Թբիլիսիի քաղաքապետարանի հաղորդմամբ՝ հանդիպման ժամանակ կողմերը քննարկել են քաղաքների միջև իրականացված նախագծերը և ապագա համագործակցությունը:
«Կարևոր է, որ Երևանի փոխքաղաքապետը մասնակցում է տեղական տնտեսական ֆորումին: Թբիլիսին և Երևանը քույր քաղաքներ են: Այսօր մենք խոսեցինք մեր փորձի մասին մեր քաղաքներում իրականացվող բարեփոխումների վերաբերյալ: Երևանը սկսում է տրանսպորտային բարեփոխումներ, այս առումով մեր փորձը հատկապես հետաքրքիր է նրանց: Մենք նախատեսում ենք ակտիվորեն համագործակցել ապագայում, մանրամասն տեղեկացնել նրանց տարբեր որոշումների և գործնական արդյունքների մասին», — ասել է Գիորգի Տկղեմալաձեն:
Արմեն Փամբուկչյանի հետ հանդիպմանը մասնակցել են Թբիլիսիի փոխքաղաքապետ Անդրիա Բասիլաիան, Թբիլիսիի քաղաքային տնտեսական զարգացման ծառայության ղեկավար Վախթանգ Լոմջարիան և քաղաքային խորհրդի անդամ Կախաբեր Լաբուչիձեն:
Opinion, pooling and voting
