Էքստեռն քննությունների գրանցումը սկսվել է. անհրաժեշտ փաստաթղթեր
12-րդ դասարանի ծրագրի էքստեռն կարգով հաղթահարման քննությունների համար գրանցումը սկսվել է։
Վրաստանի կրթության, գիտության և երիտասարդության նախարարությունը սահմանել է ընդհանուր կրթության 12-րդ դասարանի առարկաների ծրագրերը էքստեռն կարգով հաղթահարելու քննությունների անցկացումն ու գրանցման ժամկետները:
Ցանկացողները կարող են գրանցվել 2025 թվականի հունիսի 11-ից մինչև հունիսի 17-ը ներառյալ, իսկ քննությունները կանցկացվեն 2025 թվականի հունիսի 20-ից մինչև հուլիսի 2-ը ներառյալ։
Քննությանը մասնակցելու իրավունք ունի այն անձը, որի տարիքը համապատասխանում է կամ գերազանցում է էքստեռնի կարգով հաղթահարվող դասարանի աշակերտների տարիքային խմբին, և որը հաղթահարել է նախորդ դասարանի ուսումնական ծրագիրը։
Էքստեռն կարգով կրթություն ստանալու նպատակով լիազորված օրինական ներկայացուցիչը (անչափահասի դեպքում) կամ չափահաս անձը անձամբ պետք է սահմանված ժամկետներում համապատասխան փաստաթղթերով դիմում ներկայացնի ռեսուրս կենտրոն՝ հետևյալ կարգով․
- Եթե անձը սովորում է դպրոցում` դիմումը ներկայացվում է այն ռեսուրս կենտրոն, որի տարածքում գտնվում է տվյալ դպրոցը,
- Եթե անձը չի հաճախում որևէ դպրոց` դիմումը կարող է ներկայացվել ցանկացած ռեսուրս կենտրոն՝ ըստ դիմողի ցանկության։
Էքստեռն կարգով քննության համար անհրաժեշտ փաստաթղթերի ցանկ․
- Էքստեռն կարգով կրթություն ստանալ ցանկացողի անուն, ազգանուն, կոնտակտային տվյալներ (հասցե, հեռախոսահամար, էլ․ հասցե),
- Որ դասարանը/դասարանները կամ կիսամյակը/կիսամյակները, ինչպես նաև որ առարկան(երը) ցանկանում է հաղթահարել էքստեռն կարգով,
- Լեզուն, որով դիմողը ցանկանում է հանձնել էքստեռնի քննությունները (վրացերեն, ռուսերեն, ադրբեջաներեն, հայերեն),
- Օտար լեզու(ներ)ը, որոնցով պետք է անցկացվեն քննությունները՝ ըստ անհրաժեշտության,
- Ընտրովի առարկան՝ ըստ ազգային ուսումնական պլանի, որը նույնպես ցանկանում է հանձնել,
- Դիմողի ծննդյան վկայականի կամ ինքնությունը հաստատող փաստաթղթի պատճեն,
- Այն փաստաթուղթը, որը հավաստում է դիմողի կողմից նախորդ դասարանի կամ կիսամյակի ուսումնական ծրագրի յուրացումը,
- Եթե դիմողը կրթություն է ստացել արտերկրում՝ համապատասխան հաստատող փաստաթուղթ, որը պետք է ճանաչված լինի Վրաստանի օրենսդրությամբ սահմանված կարգով,
- Եթե քննությունը վերաբերում է միջնակարգ մակարդակի առանձին դասարանի կամ կիսամյակի առարկային/առարկաներին, ապա անհրաժեշտ է դպրոցի կողմից տրված տեղեկանք այն մասին, որ տվյալ ուսումնական ծրագիրը պետք է հաղթահարի էքստեռն կարգով։
Opinion, pooling and voting
