Հրդեհ է բռնկվել Նինոծմինդա քաղաքի մոտակա ցանքատարածություններում
Նինոծմինդայի մունիցպալիտետում վերջին երկու ամիսներին տիրող երաշտի և շոգ եղանակի պատճառով հրդեհները հաճախակիացել են:
Օգոստոսի 12-ին ժամը 16:00-ի սահմաններում հրդեհ էր բռնկվել Նինոծմինդա քաղաքի մոտակայքում գտնվող ցանքատարածություններում, որը քամու պատճառով արագությամբ տարածվել էր և գնալով մոտենում էր մոտակայքում գտնվող խոտերի դեզերին:
Նինոծմինդայի մունիցիպալիտետի Հրշեջ ծառայությունը, տեղում իրականացնելով համապատասխան միջոցառումները, կարողացել է տեղայնացնել և մարել կրակը:
Գարուշ Արզումանյան