Ազատության փողոցի բաց փոսը դարձել է բնակիչների գլխացավը
Նինոծմինդայի Ազատության փողոցում Վրաստանի միացյալ ջրամատակարարման Նինոծմինդայի մասնաճյուղի աշխատակիցների կողմից մոտ երկու ամիս առաջ իրականացվել են ջրի արտահոսքի վերացման աշխատանքներ։
Սակայն այդ աշխատանքներից հետո փողոցը մնացել է վատ վիճակում։ Խողովակները դեռևս գցված են գետնին, իսկ տեխնիկայի միջոցով բացված փոսը մինչև այժմ չի փակվել։ Տեղի բնակիչների խոսքերով՝ փոսը այս ընթացքում վերածվել է աղբանոցի։
Բնակչի փոխանցմամբ, երբ ջրամատակարարման մասնաճյուղի աշխատակիցները փոխարինել են ժանգոտված խողովակը նորով, աշխատանքներն ավարտելուց հետո բացված փոսը չեն փակել։
Ինչպես նշում է բնակիչը, «Մեր ժողովուրդը ձեռքի ընկած աղբը նետում է փոսի մեջ, ինչի պատճառով այն արդեն վերածվել է փոքր աղբանոցի»։
Մեկ այլ բնակչի խոսքով՝ փոսի հարևանությամբ, ցանկապատի տակ գտնվող ճանապարհի եզրաքարը արդեն սկսում է նստել, ինչը լրացուցիչ վտանգ է ստեղծում անցնող-դարձող մարդկանց համար։
Բնակիչները պահանջում են պատասխանատու ծառայություններից՝ ավարտին հասցնել սկսված աշխատանքը և վերականգնել փողոցի նորմալ վիճակը։
Խնդրի առնչությամբ դիմեցինք Վրաստանի միացյալ ջրամատակարարման Նինոծմինդայի մասնաճյուղի գրասենյակ, որտեղ մեզ հայտնեցին, որ աշխատակիցները կզբաղվեն այդ հարցով։
Հիշեցնենք, որ ապրիլի 30-ի ջրի արտահոսքի դադարեցման աշխատանքներ են իրականացվել Վրաստանի միացյալ ջրամատակարարման Նինոծմինդայի մասնաճյուղի աշխատակիցների կողմից։
Ջրի արտահոսքի դադարեցման աշխատանքներ մի շարք փողոցներում
Տեսանյութ․
Opinion, pooling and voting
