Վրաստանում էլեկտրաէներգիայի արտադրությունը նվազել է 9.3%-ով

2025 թվականի հունվար-մայիս ամիսներին Վրաստանում էլեկտրաէներգիայի արտադրությունը տարեկան նվազել է 9.3%-ով և կազմել 5,284 ԳՎտժ,- նշված է «TBC Capital»-ի ակնարկում։

Հրապարակման համաձայն՝ արտադրության նվազմանը զուգահեռ, հաշվետու ժամանակահատվածում էլեկտրաէներգիայի սպառումն աճել է։ Այս դեպքում աճը կազմել է 3.6% և հասել 5,854 ԳՎտժ-ի։

Հունվար-մայիսին հավասարակշռող էլեկտրաէներգիայի շուկայում մեկ կիլովատտ-ժամ էլեկտրաէներգիայի արժեքը կազմել է 5.82 ցենտ, ինչը տարեկան 4.2% աճ է։

«Նաև հարկ է նշել, որ այս տարվա մայիսից Վրաստանը սկսել է էլեկտրաէներգիայի արտահանումը, և ընդհանուր առմամբ արտահանվել է 201 ԳՎտժ էլեկտրաէներգիա։ Արտահանումն իրականացվել է Թուրքիա (172 ԳՎտժ), Հայաստան (15 ԳՎտժ) և Ադրբեջան (14 ԳՎտժ)։ Արտահանումից ստացված եկամուտները կազմել են 9.2 միլիոն ԱՄՆ դոլար», – նշված է «TBC Capital»-ի շուկայի ակնարկում։ bpn.ge

---

---