Ջասթին Թիմբերլեյքն այսօր համերգ կտա Թբիլիսիում

Թբիլիսիում համաշխարհային սուպերաստղ Ջասթին Թիմբերլեյքը համերգ կտա: Այս մասին տեղեկատվությունը տարածում է Black Sea Arena-ն։

Կազմակերպիչների խոսքով՝ սուպերաստղը այսօր՝ ժամը 21:30-ին, ելույթ կունենա վրաց հանդիսատեսի առջև՝ Դինամո Արենա մարզադաշտում։

«Starring Georgia-ի շրջանակներում վրաց հանդիսատեսն արդեն փչացել է համաշխարհային մակարդակի աստղերով, բայց Ջասթին Թիմբերլեյքը փոփ երաժշտության պատմության ևս մեկ էջ է, որը անպայման պետք է դառնա մեր նախագծի մի մասը», – ասվում է կազմակերպիչների կողմից հրապարակված տեղեկատվության մեջ։

Ջասթին Թիմբերլեյքը ամերիկացի փոփ և ռիթմ-ընդ-բլյուզ երգիչ, երգերի հեղինակ, երաժշտական պրոդյուսեր, պարող և դերասան է: Նա հայտնի է դարձել որպես հայտնի բոյ-բենդի՝ ‘N Sync-ի մենակատար: 2002 թվականին նա թողարկել է իր դեբյուտային անհատական ալբոմը՝ Justified-ը, որը վաճառվել է ամբողջ աշխարհում ավելի քան յոթ միլիոն օրինակով: Ջասթին Թիմբերլեյքը 10 անգամ Գրեմմիի մրցանակակիր է և «Օսկար»-ի թեկնածու։

Աղբյուրը՝ interpressnews.ge

---

---