Նինոծմինդայի մունիցիպալիտետի 18 զորակոչիկներ բժշկական ստուգում կանցնեն Թբիլիսիում
Նինոծմինդայի մունիցիպալիտետի 18 զորակոչիկներ մեկնեցին Թբիլիսի՝ բժշկական ստուգում անցնելու:
Բժշկական ստուգում անցնելուց հետո զորակոչիկները կանցնեն ծառայության Վրաստանի Պաշտպանության նախարարության զորամասերում: Զորակոչիկների մեծ մասը կծառայեն Սամցխե-Ջավախեթիում, Թբիլիսիում և Օսիաուրիում:
Վրաստանի օրենսդրության համաձայն՝ զինվորական ծառայությունից ժամանակավոր կազատվեն ուսանողները, ուսուցիչները, ընտանիքի միակ ստնտուն, թոշակառուների զավակները, ինչպես նաև նրանք, ովքեր առողջական խնդիրներ ունեն: Ամուսնացած անձինք, ովքեր ունեն 1 երեխա, 3 տարով ազատվում են ծառայությունից, իսկ ովքեր ունեն 2 երեխա, ազատվում են ծառայությունից մշտապես:
Պաշտոնապես վճարելով 2000 լարի, անձը կարող է ազատվել ծառայությունից 18 ամսով: Նույն անձը ընդամենը երկու անգամ կարող է օգտվել վճարման միջոցով հետաձգման իրավունքից:
Այն զորակոչիկները, ովքեր խուսափում են զինկոմիսարիատ ներկայանալուց և զինծառայություն անցնելուց, դատարանը նրանց պատասխանատվության կկանչի:
Վրաստանում զինծառայության տևողությունը 12 ամիս է:
Մանրամասների մասին տեղեկատվություն տրամադրեց Նինոծմինդայի մունիցիպալիտետի զինվորական ծառայության ղեկավար Նաիրի Մանուկյանը.
Բորիս Ղարսլյան