Էլեկտրաէներգիայի սպառումը այս տարվա առաջին 6 ամիսներին աճել է

Վրաստանում էլեկտրաէներգիայի սպառումը այս տարվա առաջին 6 ամիսներին աճել է: Հունվար-հունիս ամիսներին երկիրը սպառել է ընդհանուր առմամբ 6.9 միլիարդ կՎտ/ժ էլեկտրաէներգիա: Սպառումը 2024 թվականի առաջին 6 ամիսների համեմատ աճել է 2%-ով:

Galt & Taggart-ի տվյալներով՝ 2025 թվականի առաջին կեսին սպառման աճը հիմնականում պայմանավորված էր ուղղակի (4.5%-ով) և մանրածախ հաճախորդների (4.2%-ով) պահանջարկի աճով: Ուղղակի հաճախորդները հիմնականում խոշոր բիզնեսներն են, բիզնեսները կարող են գրանցվել որպես ուղղակի հաճախորդներ և ուղղակիորեն առևտուր անել մեծածախ շուկայում:

2025 թվականի հուլիսի 1-ից որպես ուղղակի հաճախորդներ գրանցումը պարտադիր է 35-110 կՎ լարմանը միացված բոլոր ընկերությունների և 6-10 կՎ լարման բաժանորդների համար, ովքեր ամսական սպառում են առնվազն 1 միլիոն կՎտ/ժ:

Ինչ վերաբերում է մանրածախ սպառմանը, ապա դա ներառում է Telasi, ENERGO-PRO Georgia, Telmiko և EP Georgia ընկերությունների էլեկտրաէներգիայի ընդհանուր սպառումը: Նշենք, որ հունվար-հունիս ամիսներին օկուպացված Աբխազիայի տարածաշրջանի սպառումը նվազել է գրեթե 5%-ով:

Ընդհանուր առմամբ, Աբխազիան այս տարի սպառել է մոտավորապես 1.3 միլիարդ կՎտ/ժ էլեկտրաէներգիա։

---

---