Հունաստանում շարունակվում են լայնածավալ անտառային հրդեհները
Հունաստանում շարունակում են մոլեգնել լայնածավալ անտառային հրդեհներ, որոնք ընդգրկում են երկրի արևմտյան շրջանները, այդ թվում՝ Խիոս և Զաքինթոս կղզիները, ինչպես նաև Պելոպոնեսի մայրցամաքային մասը։
Հրդեհների մարմանը մասնակցում է մոտ 4850 ծառայող և մասնագիտացված տեխնիկա, այդ թվում՝ 33 ինքնաթիռ։ Վերջին 48 ժամվա ընթացքում գրանցվել է ավելի քան 150 նոր հրդեհ։ Ուժեղ քամին, բարձր ջերմաստիճանը և երաշտը բարդացնում են հրշեջների աշխատանքը։
Հրդեհների հետևանքով վնասվել են բնակելի շենքեր, գյուղատնտեսական հողեր և ենթակառուցվածքներ։ Հազարավոր մարդիկ տարհանվել են վտանգավոր տարածքներից։ Խիոս կղզում տարհանումներ են իրականացվել ափամերձ պահպանության նավերի և մասնավոր նավակների միջոցով։
Տեղական իշխանությունները և արտակարգ ծառայությունները միջոցներ են ձեռնարկում հրդեհը տեղայնացնելու և բնակչության անվտանգությունն ապահովելու համար։
Opinion, pooling and voting
