Իսրայելի բանակը ռմբակոծել է Եմենը
Իսրայելի բանակը ռմբակոծել է Եմենը: Իսրայելական լրատվամիջոցների փոխանցմամբ՝ երկրի պաշտպանության ուժերը հարձակվել են մայրաքաղաք Սանայում գտնվող էներգետիկ ենթակառուցվածքների վրա, որոնք օգտագործվում էին հութիների ռեժիմի կողմից:
Իսրայելի պաշտպանության նախարարության խոսնակը հայտարարել է, որ հարվածը հասցվել է իսրայելական ռազմածովային հրթիռային նավակներով:
«Հարվածները կատարվել են ի պատասխան Իսրայելի պետության և նրա քաղաքացիների դեմ Հուսի ահաբեկչական ռեժիմի կողմից իրականացված բազմակի հարձակումների, այդ թվում՝ Իսրայելի տարածք ցամաքային հրթիռների և անօդաչու թռչող սարքերի արձակման», – ասվում է Իսրայելի պաշտպանության ուժերի հայտարարության մեջ։
Իսրայելական լրատվամիջոցների տվյալներով՝ հուլիսի 21-ին Եմենի վրա Իսրայելի վերջին հարվածից ի վեր Հուսի ապստամբները Իսրայելի ուղղությամբ արձակել են առնվազն յոթ բալիստիկ հրթիռ և յոթ անօդաչու թռչող սարք։
Opinion, pooling and voting
