Իրակլի Կոբախիձեն հայտնել է, թե երբ երկիրը պատրաստ կլինի ԵՄ անդամակցությանը
Վրաստանի վարչապետ Իրակլի Կոբախիձեն երեքշաբթի օրը հայտարարել է, որ երկիրը պատրաստ կլինի ԵՄ անդամակցությանը մինչև 2030 թվականը։
«Գիտեք, թե մեր արտաքին քաղաքականության առաջնահերթությունը որն է։ Առաջին հերթին, դա ԵՄ-ին ինտեգրումն է։ Սա մեր հայտարարած նպատակն է, մենք նաև հայտարարել ենք, որ մինչև 2028 թվականը կկատարենք ասոցացման համաձայնագրով ստանձնած պարտավորությունների ավելի քան 90%-ը։ Մենք պատրաստ կլինենք ԵՄ-ին միանալ մինչև 2030 թվականը։ Գլխավորն այն է, որ այդ ընթացքում ԵՄ-ում գործընթացները զարգանան այլ ուղղությամբ», – լրագրողներին ասել է Վրաստանի վարչապետը։
Նրա խոսքով՝ այս փուլում ԵՄ-ում միտումները մտահոգիչ են ժողովրդավարության, մարդու իրավունքների և տնտեսության տեսանկյունից։
«Ցավոք, բոլոր ուղղություններով բացասական արձագանք կա։ Մենք հույս ունենք, որ մինչև 2030 թվականը, երբ մենք պատրաստ լինենք միանալ ԵՄ-ին, այնտեղ այս միտումները կփոխվեն, և ԵՄ-ում ժողովրդավարական համակարգը կբարելավվի։ Մարդու իրավունքները ավելի լավ կպաշտպանվեն, և տնտեսությունը կամրապնդվի», – հավելել է նա։
Opinion, pooling and voting
