ԱՄՆ-ում տղամարդը վարակվել է ուղեղի մակաբուծային վարակով՝ հում բեկոն ուտելու պատճառով
ԱՄՆ բնակիչը հոսպիտալացվել է ուղեղի մակաբուծային վարակով՝ հում բեկոն ուտելուց հետո, հաղորդում է Unilad-ը։
Աղբյուրի փոխանցմամբ՝ 52-ամյա ամերիկացին բժշկական օգնության է դիմել շաբաթներ շարունակ ուժեղ գլխացավերից հետո: Բժիշկները նշանակել են ՄՌՏ հետազոտություն և ապշած են եղել արդյունքներից. հիվանդի ուղեղում հայտնաբերվել են գոյացություններ: Լրացուցիչ ուսումնասիրությունները ցույց են տվել, որ դրանք կիստաներ են, որոնք պարունակում են խոզի երիզորդ որդերի թրթուրներ, որոնք առաջացնում են ցիստիցերկոզ:
Բժիշկները պարզել են, որ վարակի աղբյուրը կապված է հիվանդի սննդային նախասիրությունների հետ։ Տղամարդը խոստովանել է, որ միշտ թեթևակի տապակած բեկոն է կերել, քանի որ չի սիրում խրթխրթան կեղև։
Հոդվածում նշվում է, որ ախտորոշումը հաստատվելուց հետո հիվանդը մի քանի շաբաթ անցկացրել է վերակենդանացման բաժանմունքում՝ ուղեղի այտուցը թեթևացնելու համար հակամակաբուծային և հակաբորբոքային դեղամիջոցներով բուժում ստանալով։
Opinion, pooling and voting
