5.6 մագնիտուդով երկրաշարժ Ճապոնիայում

5.6 մագնիտուդով ուժեղ երկրաշարժ է գրանցվել Խաղաղ օվկիանոսում՝ Հոնսյու կղզու (Ճապոնիա) արևելյան ափի մոտ, հայտնում է Ռուսաստանի գիտությունների ակադեմիայի Ալթայ-Սայանի միասնական երկրաֆիզիկական ծառայության մասնաճյուղը։

Մասնաճյուղի օպերատիվ մշակման տվյալների համաձայն՝ էպիկենտրոնը գտնվել է Կեսեննումա քաղաքից (Միյագիի պրեֆեկտուրա) 215 կմ հարավ-արևելք։

Էպիկենտրոնում ցնցումների ուժգնության հիման վրա երկրաշարժը գնահատվում է որպես «շատ ուժեղ»։

ԱՄՆ երկրաբանական ծառայությունը երկրաշարժի ուժգնությունը գնահատել է 5.5 մագնիտուդ։ Ամերիկացի սեյսմոլոգների տվյալներով՝ երկրաշարժի օջախը գտնվել է 44.2 կմ խորության վրա։

---

---