Փոքր Խանչալիի դպրոցի շենքի փակման լուրերը պաշտոնապես չեն հաստատվում
Նինոծմինդայում լուրեր են պտտվում, որ մունիցիպալիտետի Փոքր Խանչալի գյուղի դպրոցի շենքը վթարային լինելու պատճառով փակվելու է և ուսումը շարունակելու են այլ դպրոցում։
Պարզելու համար, թե արդյոք համապատասխանում է այս տեղեկությունը իրականությանը, այսօր՝ սեպտեմբերի 3-ին դիմեցինք Նինոծմինդա քաղաքի Ռեսուրս կենտրոն։ Որտեղից էլ մեզ հայտնեցին, որ այս պահին նրանք նման տեղեկություն չունեն։
Կապ հաստատեցինք Փոքր Խանչալիի դպրոցի տնօրեն Վազգեն Կաջոյանի հետ և նա ևս նշեց, որ պաշտոնական տեղեկություն դեռևս չկա, դրանք պարզապես խոսակցություններ են։
Ընդգծենք, որ Նինոծմինդայի մունիցիպալիտետում արդեն իսկ մի քանի դպրոցների շենքեր չեն գործում՝ Ժդանովական, Կաթնատու և Փարվանա գյուղերի դպրոցական շենքերը շարունակում են մնալ փակ։
Ժդանովականի աշակերտները վերադարձան գյուղ․ Որտե՞ղ են շարունակելու դասապրոցեսը
Opinion, pooling and voting
