Մեկնարկում է «Ուսանողների ֆինանսավորման ծրագրի» աշնանային ընդունելությունը
2025-2026 ուսումնական տարվա աշնանային կիսամյակի «Ուսանողների ֆինանսավորման ծրագրի» համար դիմումները կընդունվեն սեպտեմբերի 3-ից դեկտեմբերի 20-ը։
Այս տեղեկությունը հայտնել է Թբիլիսիի քաղաքապետ Կախա Կալաձեն մունիցիպալ կառավարության այսօրվա նիստում։
Նրա խոսքով, 2025-2026 ուսումնական տարվա աշնանային կիսամյակի ուսման ֆինանսավորման ծրագրի շրջանակներում դիմումներ կարող են ներկայացնել սոցիալապես անապահով ընտանիքների, բազմազավակ ընտանիքների և հաշմանդամություն ունեցող ուսանողները։
«Թբիլիսիի քաղաքապետարանը կֆինանսավորի Թբիլիսիի մունիցիպալիտետի տարածքում գրանցված անձանց, որոնք ընդգրկված են բակալավրի, մագիստրոսի կամ ասպիրանտի գիտական մակարդակներում, ակտիվ ուսանողի կարգավիճակ ունեն և գտնվում են սոցիալապես անապահով ընտանիքների միասնական բազայում կամ բազմազավակ ընտանիքի անդամներ են, կամ` հաշմանդամի կարգավիճակ ունեն:
Հատկացվելիք ֆինանսավորման չափը կախված է նախորդ կիսամյակում անցած առարկաներից ուսանողի ստացած գնահատականների միջին թվաբանական միավորից:
«Ուսանողների ֆինանսավորման ծրագրի» շրջանակներում 19 հազար սոցիալապես անապահով և 4000-ից ավելի բազմազավակ ընտանիքների անդամների ու հաշմանդամություն ունեցող ուսանողների արդեն իսկ մատուցվել է ֆինանսական աջակցություն»,- նշել է Կախա Կալաձեն:
Opinion, pooling and voting
