Հայաստանում կանցկացվեն Ռուբինյանի և Քըլըչի բանակցությունները
Ռուբեն Ռուբինյանի և Սերդար Քըլըչի հանդիպումը Վիեննայում, 2022թ. հուլիսի 1
Հայաստան-Թուրքիա հարաբերությունների կարգավորման գործընթացի շրջանակում առաջիկա օրերին Հայաստանում նախատեսվում է հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումը. այս մասին հայտնում է ՀՀ ԱԳ նախարարության խոսնակ Անի Բադալյանը։
Հայ-թուրքական հարաբերությունների կարգավորման գործընթացը մեկնարկել է 2022-ի սկզբին։ Հայաստանի և Թուրքիայի հատուկ ներկայացուցիչներ Ռուբեն Ռուբինյանի և Սերդար Քըլըչի առաջին հանդիպումը կայացել է հունվարի 14-ին՝ Մոսկվայում։ Դրանից հետո բանագնացները ևս երեք հանդիպում են անցկացրել Վիեննայում։
2022-ի հուլիսի 1-ին Ռուբինյանը և Քըլըչը Վիեննայում պայմանավորվել էին հնարավոր ամենասեղմ ժամկետներում Հայաստան-Թուրքիա ցամաքային սահմանը հատելու հնարավորություն ապահովել Հայաստան և Թուրքիա այցելող երրորդ երկրների քաղաքացիների և դիվանագիտական անձնագիր ունեցողների համար։ Մինչ օրս, սակայն, պայմանավորվածությունը կյանքի չի կոչվել։
Հայաստանի և Թուրքիայի բանագնացները հանդիպել են նաև 2024-ի հուլիսին՝ հայ-թուրքական սահմանին, ապա՝ 2025թ. ապրիլին Անթալիայում։
Opinion, pooling and voting
