Գեոմագնիսական փոթորիկներ են սպասվում

Արևի մթնոլորտում բացված հսկայական կորոնալ անցքը, որը հիշեցնում է թիթեռի ձև, առաջիկա օրերին կարող է ազդել Երկրի վրա։ Տիեզերական եղանակի մասնագետների կանխատեսմամբ՝ սեպտեմբերի 13-14-ին հնարավոր են գեոմագնիսական փոթորիկներ և տպավորիչ բևեռափայլեր։

Այս կորոնալ անցքը հասնում է մոտ 500 հազար կիլոմետր լայնության․ այն արագաշարժ արևային քամու հոսքեր է արձակում դեպի Երկիր։ Սպասվում է, որ այդ հոսքերը մեզ կհասնեն սեպտեմբերի 14-ին։

Մեծ Բրիտանիայի Met Office-ը կանխատեսում է ակտիվությունից մինչև G1 մակարդակի (թույլ) փոթորիկ, սակայն չի բացառվում նաև G2 (միջին ուժգնության) փոթորիկ։

Աղբյուրը՝ auroranews.am