Սեպտեմբերին երկրից արտաքսվել է 107 մարդ

Վրաստանում օտարերկրացիների անօրինական ներկայությանը նպաստելը կպատժվի երկու հազար լարի տուգանքով՝ ֆիզիկական անձանց և ընկերությունների համար։

Սեպտեմբերին Վրաստանի Ներքին գործերի նախարարության միգրացիայի դեպարտամենտը արտաքսել է երկրում անօրինական գտնվող 107 օտարերկրացու, հայտնել է նախարարության մամուլի ծառայությունը։

Արտաքսվածների թվում են Ռուսաստանի, Հնդկաստանի, Պակիստանի, Եգիպտոսի, Թուրքիայի, Իրանի, Նիգերիայի, Կամերունի, Սուդանի, Բանգլադեշի, Հորդանանի, Մյանմայի, Նեպալի, Սիրիայի, Ադրբեջանի և Եթովպիայի քաղաքացիներ։ Գերատեսչությունը հայտարարել է, որ արտաքսվածները չարաշահել են Վրաստանի օրենսդրությամբ սահմանված ժամկետները և մնացել են երկրում առանց օրինական հիմքերի։

Նոր կանոնների համաձայն, եթե օտարերկրացին Վրաստանում մնա մինչև երեք ամիս, նա կտուգանվի 1000 լարիով (369 դոլար) և վեց ամսով կարգելվի մուտք գործել Վրաստան։

Եթե օտարերկրացին երկրում անօրինական գտնվել է երեք ամսից մինչև մեկ տարի, ապա նա կտուգանվի 2000 լարիով (738 դոլար) և երկու տարով կարգելվի մուտք գործել Վրաստան։

Երկրում մեկ տարուց ավելի անօրինական մնալու համար տուգանքը կկազմի 3000 լարի (360 լարիի փոխարեն) և մուտքի արգելք՝ երեք տարով։

Վրաստանում օտարերկրացիների անօրինական մնալուն նպաստելը կպատժվի 2000 լարի տուգանքով՝ անհատների և ընկերությունների համար։