Թբիլիսիում հոկտեմբերի 4-ի դեպքերում ձերբակալված 13 հոգու պաշտոնապես մեղադրանք կառաջադրվի

Այսօր Թբիլիսիում հոկտեմբերի 4-ին տեղի ունեցած իրադարձությունների կապակցությամբ մեղադրվող 13 անձանց պաշտոնապես մեղադրանք կառաջադրվի։ Ձերբակալվածների մեծ մասը տեղափոխվել է Զագեսիի ժամանակավոր կալանավայր։

Դատարանը, հավանաբար, նրանց բոլորի նկատմամբ նախնական կալանքի միջոցները կքննարկի հոկտեմբերի 8-ին։

Ձերբակալվածների թվում են Վախո Պիցխելաուրին, Աբո Նևերիանին, Մանուչար Միքելաձեն, Կախա Մժավանաձեն, Ալեքսանդր Խաբեիշվիլին, Սերգո Մեգրելիշվիլին, Եվա Շաշիաշվիլին, Թորնիկե Մչեդլիշվիլին, Դավիթ Ստուրուան, Գիորգի Ռուրուան, Դավիթ Ժգենտին և Բեքա Մաչավարիանին։

Հիշեցնենք, որ հոկտեմբերի 4-ի իրադարձությունների հետաքննությունը տարվում է Վրաստանի քրեական օրենսգրքի 317, 222, 225 և 187 հոդվածներով։

Քննության շրջանակներում ձերբակալվել է 13 անձ, և իրականացվում են օպերատիվ-հետախուզական միջոցառումներ երկու անձի կալանավորելու համար։