Թբիլիսիի նոր մարզադաշտի շինարարության մրցույթին մասնակցում են վրացական, ադրբեջանական և թուրքական ընկերություններ

Վրացական, ադրբեջանական և թուրքական ընկերությունները մասնակցում են Թբիլիսիում նոր մարզադաշտի կառուցման մրցույթին

Ավարտվել է Թբիլիսիի օդանավակայանի մոտակայքում մարզադաշտի կառուցման համար քաղաքային զարգացման հիմնադրամի կողմից հայտարարված էլեկտրոնային մրցույթի առաջարկների ընդունումը։

Ինչպես պարզ է դառնում մրցույթային փաստաթղթերից, ներկայումս ընթանում է ընտրության-գնահատման փուլը։ Այս պահին մրցույթին առաջարկներ են ներկայացրել ընդհանուր առմամբ երեք ընկերություն։ Դրանք են՝ «Anagi»-ն՝ 850 միլիոն լարիով, ադրբեջանական «MAQRO–INSHAATCHI 3» համատեղ ձեռնարկությունը՝ 789.42 միլիոն լարիով և թուրքական «YDA INŞAAT SANAYİ VE TİCARET ANONİM ŞİRKETİ»-ն՝ 744.934 միլիոն լարիի առաջարկով։

Նշենք, որ Թբիլիսիի օդանավակայանի մոտակայքում 70,000 հանդիսատեսի համար նախատեսված ՈՒԵՖԱ-ի 4-րդ կատեգորիայի ֆուտբոլային մարզադաշտի կառուցման մանրամասն նախագծման և շինարարական աշխատանքների նախապատրաստման մրցույթը հայտարարվել է օգոստոսի 15-ին: Առաջարկների ընդունումը սկսվել է սեպտեմբերի 25-ին և ավարտվել սեպտեմբերի 29-ին։

Մրցույթի պայմանների համաձայն՝ գնման գնահատված արժեքը կազմում է 876 միլիոն լարի: Մատակարարը պետք է աշխատանքներն ավարտի 51 ամսվա ընթացքում: Դրանցից 15 ամիսը հատկացված է նախագծմանը, իսկ 36 ամիսը՝ մարզադաշտի կառուցմանը և շահագործմանը:

---

---