Պակիստանը և Աֆղանստանը համաձայնության են եկել 48-ժամյա հրադադարի շուրջ
Պակիստանը և Աֆղանստանը համաձայնության են եկել ժամանակավոր հրադադարի շուրջ՝ հաջորդ 48 ժամվա համար, հայտարարել է Պակիստանի արտաքին գործերի նախարարությունը։
«Փոխադարձ համաձայնությամբ Պակիստանի կառավարության և աֆղանական թալիբների միջև համաձայնության է եկել ժամանակավոր հրադադարի շուրջ՝ հաջորդ 48 ժամվա համար», – ասվում է Արտաքին գործերի նախարարության հայտարարության մեջ, որը մեջբերել է Dawn-ը։
Հաջորդ երկու օրերի ընթացքում կողմերը «կգործադրեն անկեղծ ջանքեր՝ այս բարդ, բայց լուծելի հարցի դրական լուծում գտնելու համար՝ կառուցողական երկխոսության միջոցով», – նշվում է հայտարարության մեջ։
Հոկտեմբերի 15-ի առավոտյան Պակիստան-Աֆղանստան սահմանին վերսկսվել են մարտական գործողությունները։ PTV-ի տվյալներով՝ Պակիստանի բանակը հարվածել է Աֆղանստանում ահաբեկիչների դիրքերին՝ ի պատասխան Խայբեր-Պախտունխվա նահանգի հյուսիս-արևմուտքում գտնվող Կուրրամ գործակալության անցակետերի վրա հարձակման։ Թալիբների փոխխոսնակ Համդուլլահ Ֆիտրատը հայտնել է 12 զոհի և 100-ից ավելի վիրավորների մասին։ Նա հայտարարել է, որ «այսօր վաղ առավոտյան պակիստանյան զորքերը վերսկսել են հարձակումները Աֆղանստանի վրա», և որ «աֆղանական ուժերը ստիպված են եղել հակահարված տալ»։
Opinion, pooling and voting
