Խուզարկել են Իրակլի Ղարիբաշվիլիի և նախկին այլ պաշտոնյաների բնակարանները
Խուզարկել են նախկին վարչապետ Իրակլի Ղարիբաշվիլիի, Պետական անվտանգության ծառայության նախկին ղեկավար Գրիգոլ Լիլուաշվիլիի, նախկին գլխավոր դատախազ Օթար Փարցխալաձեի և նրանց առնչվող 8 անձանց բնակարանները։ Այս տեղեկությունը հայտնել է գլխավոր դատախազ Գիորգի Գվարակիձեն ճեպազրույցի ժամանակ։
«Վրաստանի գլխավոր դատախազության քննչական բաժնում, Պետական անվտանգության ծառայության կոռուպցիայի դեմ պայքարի և Պետական անվտանգության վարչություններում տարբեր քրեական գործերի վերաբերյալ շարունակվող քննության շրջանակներում միաժամանակ երկրի 22 վայրերում անցկացվել է լայնածավալ միջոցառում։
Համատեղ միջոցառման շրջանակներում խուզարկություններ են իրականացվել Վրաստանի նախկին վարչապետ Իրակլի Ղարիբաշվիլիի, Պետական անվտանգության ծառայության նախկին ղեկավար Գրիգոլ Լիլուաշվիլիի, նախկին գլխավոր դատախազ Օթար Պարցխալաձեի և նրանց առնչվող ընդհանուր առմամբ ութ անձանց բնակարաններում և տներում։ Առգրավվել են տարբեր էլեկտրոնային սարքեր, փաստաթղթեր և մեծ գումարներ», — ասել է Գվարակիձեն։
Նրա խոսքով՝ վերոնշյալ գործերով ակտիվորեն իրականացվում են քննչական, ընթացակարգային և օպերատիվ-հետախուզական միջոցառումներ։
Opinion, pooling and voting
