Աշուղ Ալիք Ջավախք «Ջավախքիս բարբառը»
Աշուղական արվեստը դարեր շարունակ անբաժան մասն է կազմել հայ երաժշտության և բանահյուսության հարուստ ժառանգության։ Հայ աշուղները ոչ միայն երգիչ-պատմախոսներ են, այլև մշակույթի պահապաններ, ովքեր իրենց ստեղծագործություններով ամրապնդում են ազգային ինքնության գիտակցումն ու փոխանցում սերնդեսերունդ։
Այդպիսի աշուղներից է Ալիկ Քսպոյանը՝ առավել հայտնի որպես Աշուղ Ալիք Ջավախք։ Նա ծնունդով Ջավախքի Նինոծմինդայի մունիցիպալիտետի Ջիգրաշեն գյուղից է (1950 թ.) և ներկայումս ապրում ու ստեղծագործում է Ախալքալաք քաղաքում։
Վերջերս աշուղը ներկայացրել է իր նոր ստեղծագործությունը՝ «Ջավախքիս բարբառը» երգը, որի պրեմիերան արդեն հասցրել է արձագանք գտնել հասարակության շրջանում։ Երգը ձայնագրվել է Երևանում, իսկ տեսահոլովակը նկարահանվել է հենց Ջավախքի սրտում՝ Ախալքալաքում։ Տեղանքի բարբառային առանձնահատկություններով շնչառող այս երգը ոչ միայն մշակութային ինքնատիպ ստեղծագործություն է, այլև սիրո խոստովանություն է հայրենի հողին։
NOR ռադիոկայանը հարցազրույց ունեցավ Աշուղ Ալիք Ջավախքի հետ, ով պատմեց երգի պրեմիերայի, դժվարությունների և ստեղծագործական ընթացքի մասին։
Աշուղ Ալիք Ջավախքի գործունեությունը դուրս է գալիս զուտ երաժշտական դաշտից, նա իր արվեստով խթանում է նաև հայ-վրացական մշակութային երկխոսությունը՝ դառնալով կամուրջ երկու ժողովուրդների պատմական ու հոգևոր արժեքների միջև։
Նրա ստեղծագործությունները գովերգում են հայրենի բնությունը, սերն ու մարդկային բարությունը, ինչպես նաև անդրադառնում են պատմական հիշողության պահպանման կարևորությանը։ Աշուղը շարունակում է արժանապատվորեն ներկայացնել իր ծննդավայրի՝ Ջավախքի հոգևոր և մշակութային աշխարհը՝ համատեղելով ավանդույթը ժամանակակից հնչողությամբ։
Մանրամասները տեսանյութում․
Աշուղ Ալիք Ջավախք Ջավախքիս բարբառը.
Opinion, pooling and voting
