Ավտովթար Աղմաշենեբելի փողոցում
Նինոծմինդա քաղաքի Աղմաշենեբելի փողոցում իրար են բախվել Opel Astra J և ՈւԱԶ (Վիլիս) մակնիշի ավտոմեքենաները:
Opel մակնիշի մեքենան կենտրոնական ճանապարհով շարժվել է դեպի Ախալքալաքի ուղղությամբ, իսկ Խաչատրյան փողոցից խաչմերուկ է դուրս եկել ՈւԱԶ մակնիշի մեքենան: Երկու մեքենաների վարորդներն էլ, կորցնելով ինքնակառավարումը, բախվել են իրար:
Բարեբախտաբար ավտովթարից ոչ ոք չի տուժել, սակայն երկու մեքենաներն էլ զգալիորեն վնասվել են:
Վթարի վայրում աշխատում են Ճանապարհային ոստիկանության աշխատակիցները:
