Ստեղծագործական և ուրախ աշնանային միջոցառում՝ Վանիկ Թևանյանի կազմակերպմամբ
Նոյեմբերի 17-ին Գանձայի թիվ 2 հանրային դպրոցում տեղի ունեցավ տոնական և ստեղծագործական միջոցառում՝ նվիրված ոսկե աշնանը։ Միջոցաումը կազմակերպել և ձևավորել էր արվեստի ուսուցիչ Վանիկ Թևանյանը։
Պարով հանդես եկան 9-րդ դասարանի աշակերտները, 1-ին դասարանցիները և 5-րդ դասարանցիները հանդես եկան գեղեցիկ և ուրախ երգերով՝ փոխանցելով աշնան գույներն ու մաքրությունը։
Իսկ բարձր դասարանի աշակերտները մասնակցեցին հետաքրքիր և աշխույժ մրցույթների, որոնց հիմնական թեման կապված էր մրգերի և առողջ սննդի հետ։
«Աշակերտների երգեցողությունը մեծ հիացմունք առաջացրեց ներկաների մոտ և ստեղծվեց տոնի հրաշալի մթնոլորտ։ Միջոցառումը վերածվեց իսկական տոնախմբության։ Երեխաների աշխուժությունը, թիմային ոգին և հաճելի մրցակցությունը միջոցառումը դարձրին ավելի հիշարժան ու զվարթ»,- ասաց Վ․ Թևանյանը։
Թևանյանը հավելեց, որ միջոցառումը ավարտվել է ընդհանուր ուրախ տրամադրությամբ։
նա նաև ասաց, որ նման միջոցառումները շարունակաբար նպաստում են մեր երեխաների ստեղծագործական, հոգևոր և ընկերական հարաբերությունների զարգացմանը։
Opinion, pooling and voting
