Նոր օրենք մինչև 14 տարեկան օրինախախտների համար
Վրաստանի խորհրդարանը կընդունի հատուկ օրենք այն անչափահասների վերաբերյալ, որոնց նկատմամբ կա Քրեական օրենսգրքով նախատեսված անօրինական արարք կատարելու հիմնավոր կասկած, և այդ արարքը կատարելու ժամանակ նրանք եղել են 14 տարեկանից փոքր։
«Օրենքի հետ հակասության մեջ գտնվող անչափահասների վերականգնման և աջակցության մասին»՝ այսպես է կոչվում «Վրացական երազանք»-ի պատգամավորների խորհրդարան ներկայացրած օրինագիծը։
Ըստ նախաձեռնողների պարզաբանման` քրեական պատասխանատվության տարիքի՝ 14 տարեկան չհասած անձի անօրինական արարք կատարելու դեպքում քրեական գործ չի հարուցվում, չկա կատարված արարքին արձագանքելու և նման արարքները կանխելու արդյունավետ մեխանիզմ։
Համապատասխանաբար, օրինագծի նպատակն է նպաստել քրեական պատասխանատվության տարիքի չհասած անչափահասների վերասոցիալականացմանը, վերականգնմանը, աջակցությանը և հանցագործությունների կանխարգելմանը՝ նրանց անհատական կարիքները բացահայտելով։
Նշվում է, որ եթե կան համապատասխան հիմքեր, դատարանի որոշմամբ նրանց կտեղափոխեն անչափահասների վերականգնողական և աջակցության տուն:
Opinion, pooling and voting
