Ուկրաինական լրատվամիջոցներ. Ռյազանի նավթավերամշակման գործարանի վրա անօդաչու թռչող սարքեր են հարձակվել

Ռյազանում պայթյուններ են լսվել, ինչը վկայում է նավթավերամշակման գործարանի վրա անօդաչու թռչող սարքերի հարձակման մասին, հաղորդում են ուկրաինական լրատվամիջոցները՝ հղում անելով ռուսական Telegram ալիքներին։

Ռյազանի բնակիչների խոսքով՝ անօդաչու թռչող սարքերը հարվածել են նավթավերամշակման գործարանին, որի արդյունքում քաղաքի վրա տեղի է ունեցել առնվազն 10 պայթյուն։

Ռյազանի մարզի նահանգապետ Պավել Մալկովը հայտարարել է, որ «ընկնող բեկորները հրդեհ են առաջացրել մեկ ձեռնարկության տարածքում»։

Նաև, ըստ Ռուսաստանի պաշտպանության նախարարության, գիշերը խոցվել է ուկրաինական 65 անօդաչու թռչող սարք։ Դրանցից 16-ը ոչնչացվել են Ռյազանի մարզում։