Կլիմայի փոփոխության կանխատեսումներում հաշվի չի առնվում պլանկտոնի դերը
Օվկիանոսի ամենափոքր «ինժեներները»՝ կալցիֆիկացվող պլանկտոնը, կատարվում են անչափ կարևոր, բայց հաճախ անտեսված դեր Երկրի կլիմայի կարգավորման հարցում՝ որսալով և վերամշակելով ածխածինը։ Այս մասին հոդված է հրապարակել «Հիդրոօդերևութաբանության և մոնիթորինգի կենտրոն» ՊՈԱԿ-ը:
«Science» ամսագրում հրապարակված նոր ակնարկը, որը պատրաստվել է Բարսելոնայի միջազգային հետազոտական խմբի կողմից, ցույց է տալիս, որ այս օրգանիզմների ազդեցությունը չափազանց պարզեցված է կամ ընդհանրապես բացակայում է շատ կլիմայական մոդելներում, որոնք օգտագործվում են կլիմայի փոփոխության կանխատեսումներում։
Կալցիֆիկացվող պլանկտոնը ձևավորում է բարակ շերտեր՝ կալցիումի կարբոնատից, որոնք առանցքային դեր ունեն օվկիանոսի ածխածնի բալանսում։ Իրենց կենսագործունեության ընթացքում նրանք փոխում են ծովի ջրի քիմիական կազմը և նպաստում են ածխածնի տեղաշարժին մթնոլորտից դեպի օվկիանոսի խորքերը։ Այս բնական «ածխածնային պոմպը» օգնում է կայունացնել Երկրի կլիման և ազդում է օվկիանոսի քիմիական կազմի վրա, որի մասին են վկայում հնէաբանական հետազոտությունները։
Այսպիսով, եթե հաշվի չենք առնում պլանկտոնի դերը, ապա անտեսում ենք օվկիանոսի կլիմայական փոփոխությունները մեղմելու կարողությունը։ Հետևաբար, անհրաժեշտ է բարելավել կլիմայական մոդելները, որոնք ավելի ճշգրիտ հաշվի կառնեն օվկիանոսի և մթնոլորտի միջև տեղի ունեցող ածխածնի փոխանակումը և պլանկտոնի դերը այս պրոցեսներում։
Opinion, pooling and voting
