Հայկական դպրոցների աշակերտները կհանձնեն վրաց լեզվի քննություն
Պետական լեզվի վարչությունը հրապարակել է պետական լեզվի քննության վերաբերյալ տեղեկություն։ Նշված է, որ քննություն կարող են հանձնել նաև ոչ վրացալեզու դպրոցների աշակերտները` վրաց լեզվի իմացության մակարդակը ստուգելու և նրանց միասնական ազգային քննություններին նախապատրաստելու համար:
Վարչության հաղորդմամբ՝ վրաց լեզվի քննությունը կանցկացվի 2026 թվականից սկսած։ Քննության հիման վրա կտրվի վկայական, որը կարող է օգտագործվել ինչպես Վրաստանում, այնպես էլ արտերկրում։
«Միասնական պետական լեզվի ծրագրի համաձայն՝ 2026 թվականից սկսած կանցկացվի վրաց լեզվի քննություն։ Վրաց լեզվի քննությունը տարեկան մի քանի անգամ կանցկացնի Գնահատման և քննությունների ազգային կենտրոնը։ Այս քննության հիման վրա Պետական լեզվի դեպարտամենտը կտրամադրի վկայական, որը կարող է օգտագործվել և՛ Վրաստանում, և՛ արտերկրում։
Այս քննությունը կանցկացվի «ոչ վրացալեզու դպրոցների աշակերտների վրաց լեզվի իմացության մակարդակը ստուգելու և նրանց միասնական ազգային քննություններին նախապատրաստելու համար», — նշված է հաղորդագրության մեջ։
Opinion, pooling and voting
