Փարվանա գյուղում ընթանում են ճանապարհների հարթեցման և լայնեցման աշխատանքներ
Փարվանա գյուղում ներկայումս իրականացվում են ներքին ճանապարհների հարթեցման և լայնեցման աշխատանքները։ Ընթացող շինարարական աշխատանքների վերաբերյալ կապ հաստատեցինք Ախալի Խուլգոմոյի թեմի գյուղապետ Մասիս Աղայանի հետ։
Նրա խոսքով՝ աշխատանքները նախատեսված են իրականացնել երկու փուլով, քանի որ տենդերը հայտարարված է այդ ձևաչափով։ Ասֆալտապատման ավարտը կախված է եղանակային պայմաններից՝ այն կարող է ավարտին հասցվել ինչպես ընթացիկ, այնպես էլ հաջորդ տարի։
Փարվանա գյուղի ներքին ճանապարհների բազմամյա վերանորոգման ընդհանուր նախագիծը գնահատվում է 798 300 լարի։ 2025 թվականին նախատեսվող աշխատանքների գնահատված արժեքը կազմում է 350 261 լարի՝ ներառյալ ԱԱՀ-ն։
Ֆինանսավորումն՝
- 96.231% – Պետական բյուջե
- 3.769% – Տեղական ինքնակառավարման բյուջե
Հարկ է նշել, որ ներքին ճանապարհների ասֆալտապատման աշխատանքներ են իրականացվել մունիցիպալիտետի Ղուլալիս, Հեշտիա, Թորիա, Ղարումա, Գանձա, Մեծ Արագյալ, Փոքր Արագյալ, Գորելովկա, Ախալի Խուլգումո գյուղերում։
- Հեշտիայում սկսվել է գյուղամիջյան ճանապարհների ասֆալտապատումը
- Հեշտիա գյուղում ասֆալտապատման առաջին շերտը ավարտված է
- Ղուլալիս գյուղում ավարտվել է նախատեսված ասֆալտապատումը
- Ախալի Խուլգումոյում սկսվել է ճանապարհի ասֆալտապատման աշխատանքները
- Թորիա գյուղում սկսվել է գյուղամիջյան ճանապարհների ասֆալտապատումը
- Ղաուրմա գյուղում ավարտին են մոտենում գյուղամիջյան ճանապարհի հողային աշխատանքները
- Ղաուրմայում ավարտին են մոտենում ասֆալտապատման աշխատանքները
- Գորելովկայում ասֆալտապատման աշխատանքները ընթացքի մեջ են
Opinion, pooling and voting
