Պետական համալսարաններում ուսումն անվճար կլինի
Պետական համալսարաններում սովորողների համար կրթությունը կլինի անվճար ինչպես բակալավրի, այնպես էլ մագիստրոսի մակարդակներում։
Համապատասխան փոփոխությունը նախատեսված է «Բարձրագույն կրթության մասին» օրենքի փոփոխությունների փաթեթում, որը պատգամավորներին ներկայացրել է Վրաստանի կրթության, գիտության և երիտասարդության նախարարի տեղակալ Զվիադ Գաբիսոնիան։
Նրա խոսքով՝ բոլոր 19 պետական համալսարաններում կրթությունը կլինի անվճար։
«Մենք բարձրագույն կրթության ոլորտում կրթությունը դարձնում ենք լիովին անվճար։ Սա ենթադրում է պետական համալսարաններում լիարժեք ֆինանսավորման մոդել։ Գործող դրամաշնորհային մոդելին կփոխարինի պետության լիարժեք ֆինանսավորումը։ Այսինքն՝ գործող քվոտային սկզբունքով պետական բարձրագույն ուսումնական հաստատություններ ընդունված ուսանողները հնարավորություն կունենան լիովին անվճար սովորելու և՛ բակալավրի, և՛ մագիստրոսի մակարդակներում», — ասել է Գաբիսոնիան։
Opinion, pooling and voting
