Առաջին անգամ տոնածառի անօրինական հատման համար կսահմանվի 2000 ₾ տուգանք
Նոր տարվա տոների մոտենալուն զուգընթաց, շրջակա միջավայրի պաշտպանության և գյուղատնտեսության նախարարության համապատասխան բաժինները խստացնում են փշատերև բույսերի արդյունահանման և տեղափոխման վերահսկողությունը: Ազգային անտառտնտեսության գործակալությունը տարածում է տեղեկատվությունը և կրկին կոչ է անում բնակչությանը չոչնչացնել բնական հարստությունը և օգտագործել արհեստական տոնածառեր:
«Փշատերև ծառերի անօրինական հատման, տեղափոխման և վաճառքի կանոնների խախտման համար տուգանքը առաջին անգամ սահմանվում է 2000 լարի, իսկ կրկնության դեպքում կիրառվում է քրեական պատասխանատվություն։ Միաժամանակ կհաշվարկվի շրջակա միջավայրին պատճառված վնասը։ Եթե վնասի չափը գերազանցում է 1000 լարին, անձի դեմ կհարուցվի քրեական գործ՝ տուգանք և/կամ ազատազրկում՝ 1-ից 3 տարի ժամկետով, իսկ մեծ քանակությամբ փշատերև ծառերի անօրինական հատման դեպքում, եթե շրջակա միջավայրին պատճառված վնասը գերազանցում է 3000 լարին, պատիժը կլինի 5-ից 7 տարի ժամկետով ազատազրկում։ Հայտնաբերված յուրաքանչյուր խախտման համար կկիրառվեն օրենքով սահմանված պատժամիջոցներ», – ասաց Ազգային անտառտնտեսության գործակալության ղեկավար Կախա Ցերցվաձեն։
Փշատերև բույսերը կարելի է օրինական ճանապարհով ձեռք բերել տնկարաններից, տնամերձ տարածքներից, ինչպես նաև ներմուծել։ Օրինական ճանապարհով ձեռք բերված բույսերի վաճառքի դեպքում վաճառողը պետք է ներկայացնի համապատասխան փաստաթուղթ, որը հաստատում է բույսի օրինական սեփականությունը։ Եթե փշատերև բույսը ձեռք է բերվում մասնավոր սեփականության հողամասից կամ արհեստականորեն աճեցված տնկարանից, բույսերի տեղափոխման համար անհրաժեշտ է ծագման վկայական, որը տրամադրվում է տեղական ինքնակառավարման մարմնի քաղաքապետարանի կողմից։
Opinion, pooling and voting
