ՀՀ քաղաքացիությունը նոր կանոններով. առցանց և ավելի թանկ

2026 թվականի հունվարի 1-ից փոխվել է ՀՀ քաղաքացիություն ձեռք բերելու և դադարեցնելու դիմումների ներկայացման կարգը: Այսուհետ բոլոր դիմումները, դրանց ստուգումն ու քննարկումը, ինչպես նաև բնօրինակ փաստաթղթեր ներկայացնելու էլեկտրոնային գրանցումը կկատարվեն բացառապես mcs-citizenship.am էլեկտրոնային քաղաքացիության կառավարման համակարգի միջոցով: Այս մասին հայտարարել է ՀՀ ՆԳՆ միգրացիայի և քաղաքացիության ծառայությունը:

ՀՀ քաղաքացիություն ստանալու կամ դադարեցնելու համար կարող են դիմումը ներկայացնել mcs-citizenship.am հարթակի միջոցով, հետևել իրենց դիմումի ընթացքին, գրանցվել բնօրինակ փաստաթղթերը ներկայացնելու համար և վճարել պետական տուրքը։

Հայաստանի Հանրապետության քաղաքացիություն կարող է ստանալու համար ՀՀ քաղաքացիություն չունեցող 18 տարին լրացած անձը, եթե ունի հետևյալ հիմքից որևէ մեկը

• Ազգությամբ հայ է
• վերջին 3 տարին մշտապես բնակվել է Հայաստանի Հանրապետությունում
• Վերջին 2 տարում գրանցված ամուսնության մեջ է Հայաստանի Հանրապետության քաղաքացու հետ և այդ 2 տարվա ընթացքում առնվազն 365 օր օրինական հիմքերով Հայաստանի բնակվել է Հայաստանի Հանրապետությունում
• Հայաստանի Հանրապետության քաղաքացու կարգավիճակով զավակ կամ ծնող ունի
• 1995թ. հունվարի 1-ից հետո, իր դիմումի համաձայն, հրաժարվել է Հայաստանի Հանրապետության քաղաքացիությունից
• ՀՀ-ում ունի փախստականի կարգավիճակ
• համարվում է քաղաքացիություն չունեցող անձ
• Ծնողները (կամ նրանցից մեկը) նախկինում ունեցել են Հայաստանի Հանրապետության քաղաքացիություն և օրենքով սահմանված կարգով վերջին մեկ տարին բնակվում են Հայաստանի Հանրապետությունում

Ընտրված հիմքերին համապատասխան պահանջվող բոլոր փաստաթղթերը կցելուց և տեղեկատվությունը լրացնելուց հետո անհրաժեշտ է, առցանց եղանակով, համակարգում, իրականացնել պետական տուրքի վճարում։

Քաղաքացիության դիմումները, ստացման օրվանից 90 աշխատանքային օրվա ընթացքում, մշակվում են ՀՀ ՆԳՆ միգրացիայի և քաղաքացիության ծառայության կողմից։

Պետական տուրքը կազմում է՝

• 50 000 դրամ՝ ՀՀ քաղաքացիություն ստանալու համար,

• 150 000 դրամ՝ ՀՀ քաղաքացիությունը դադարեցնելու համար։

Առցանց ներկայացված Դիմումը (Հայտը) հաստատվելուց հետո լուսապատճե (սկանավորված) կցված բոլոր փաստաթղթերի բնօրինակները պետք է ներկայացվեն Միգրացիայի և քաղաքացիության ծառայություն կամ արտերկրում ՀՀ հյուպատոսություն՝ նախապես ընտրելով այցի օրը և ժամը։

ՀՀ քաղաքացիություն ստացող ազգությամբ ոչ հայ անձը պետք է հանձնի ՀՀ Սահմանադրության և հայոց լեզվի իմացության թեստ։ Հարցաթերթիկում 33 հարց է։

Եթե դիմումում թույլատրվել է որևէ անճշտություն կամ սխալ, անհրաժեշտ է տեղեկատվությունը կրկին մուտքագրել կայք, ինչպես նաև կրկին վճարել պետական տուրքը։jnews.ge

---

---