Իրավիճակը Վրաստանի ճանապարհներին
Նինոծմինդայից դեպի անցակետ տանող կենտրոնական ճանապարհը բաց է, ներկա պահին իրականացվում են մաքրման աշխատանքներ, ինչպես նաև աղավազային խառնուրդով մշակումներ՝ երթևեկության անվտանգությունն ապահովելու նպատակով։
Միևնույն ժամանակ, ըստ NOR-ի տեղեկությունների, Նինոծմինդա–Ծալկա–Թբիլիսի ավտոճանապարհը շարունակում է մնալ փակ՝ անբարենպաստ եղանակային պայմանների պատճառով։ Վարորդներին խորհուրդ է տրվում զերծ մնալ այդ ուղղությամբ երթևեկությունից:
Փակ է նաև միջազգային նշանակության Մցխեթա-Ստեփանծմինդա-Լարս Գուդաուրի (Փոստա) ավտոճանապարհը փակ է ժամը 10։25-ի դրությամբ բոլոր տեսակի տրանսպորտային միջոցների համար։
Բարդ օդերևութաբանական պայմանների (ձյան առատ տեղումներ, ցածր ջերմաստիճան, ձնաբուք) պատճառով միջազգային նշանակության Ախալքալաք-Կարծախի և Ախալցխա-Նինոծմինդա ավտոմայրուղիներում ժամանակավորապես արգելվում է կցորդներով և կիսակցորդերով տրանսպորտային միջոցների երթևեկությունը, մինչդեռ մյուս տեսակի տրանսպորտային միջոցների երթևեկությունն ազատ է։
Opinion, pooling and voting
