Հավանաբար կստեղծվի գները կարգավորող ցանց
Վարչապետ Իրակլի Կոբախիձեի խոսքով՝ թիմի ներսում շարունակվում են քննարկումները գների նվազեցման ուղիներ գտնելու համար։
«Ռուսթավի 2» հեռուստաընկերության եթերում նա ասել է, որ ճանապարհներից մեկը պետական ռեսուրսներով գների կառավարման ցանցի ստեղծումն է։
«Մենք թիմի ներսում քննարկումներ ունեցանք և նույնիսկ խոսեցինք պետության աջակցությամբ այլընտրանքային մատակարարման ցանց ստեղծելու հնարավորության մասին, որը կունենա գները կարգավորողի գործառույթ։ Նման բան կարելի է անել սննդի, վառելիքի և դեղորայքի դեպքում: Կան տարբեր այլընտրանքներ, բայց մինչ այդ մենք հույս ունենք, որ բիզնեսի ոլորտում գները կնվազեն, և կարծում եմ` դա հնարավոր է», — ասել է Իրակլի Կոբախիձեն։
Opinion, pooling and voting
