Բուժքույրերն ու մանկաբարձուհիները պարտավոր են անցնել պետական հավաստագրում
Նինոծմինդայի քաղաքապետարանը տարածում է տեղեկատվություն այն մասին, որ բուժքույրերն ու մանկաբարձուհիները պարտավոր են անցնել պետական հավաստագրում՝ համաձայն Վրաստանի օրենսդրության փոփոխությունների։
«Առողջապահության մասին» և «Բարձրագույն կրթության մասին» Վրաստանի օրենքներում 2024 թվականին կատարված փոփոխությունների համաձայն՝ բուժքույրական և մանկաբարձական մասնագիտությունները այժմ կարգավորվում են և ենթակա են պետական հավաստագրման։
Նշված օրենսդրության համաձայն՝ բոլոր բուժքույրերն ու մանկաբարձուհիները պարտավոր են գրանցվել (լիազորվել) Վրաստանի օկուպացված տարածքներից ներքին տեղահանված անձանց, աշխատանքի, առողջապահության և սոցիալական հարցերի նախարարության էլեկտրոնային հարթակում։
Դրա համար հետևեք ստորև նշված հղմանը և գրանցվեք՝
https://nursecertification.moh.gov.ge
Գրանցումն իրականացվում է նախարարի 2026 թվականի հունվարի 23-ի թիվ 38/ն հրամանագրի՝ «Բուժքույրերի և մանկաբարձուհիների գրանցամատյանի ստեղծման և վարման կարգը հաստատելու մասին» (տե՛ս հավելվածը) համաձայն։
Նույն ընթացակարգի համաձայն՝ օտարերկրյա քաղաքացիները ենթակա չեն էլեկտրոնային հավաստագրման։ Նրանք պետք է համապատասխան փաստաթղթերը ներկայացնեն Բժշկական և դեղագործական գործունեության կարգավորման գործակալություն (Ծերեթելիի պողոտա, 144, Թբիլիսի) և լրացնեն դիմումի ձևը։
Ներկայացված փաստաթղթերի վերանայումից և հաստատումից հետո տրվում է պետական վկայական (գրանցման վկայական):
Opinion, pooling and voting
