Թբիլիսիում թմրանյութերի ապօրինի շրջանառության գործով ոստիկանությունը յոթ մարդու է ձերբակալել
Թբիլիսիի ոստիկանությունը թմրանյութերի հետ կապված մեղադրանքով ձերբակալել է յոթ անձի՝ Վրաստանի քաղաքացիների և օտարերկրացիների, հաղորդում է Ներքին գործերի նախարարության մամուլի ծառայությունը։
Նրանք մեղադրվում են թմրանյութերի մեծ և առանձնապես խոշոր չափերի ապօրինի ձեռքբերման և պահպանման, ինչպես նաև դրանց տարածմանը նպաստելու մեջ։
Մեղադրյալների՝ թե՛ անձնական, թե՛ նրանց տների խուզարկությունների ժամանակ ոստիկանությունը առգրավել է հատկապես մեծ քանակությամբ թմրանյութ, որը, ըստ քննիչների, նախատեսված էր վաճառքի համար: Առգրավված իրերի թվում էին կոկաին, ալֆա-ՊՎՊ, մեթադոն, բուպրենորֆին և 81 թմրամիջոցային հաբ:
Բացի այդ, հայտնաբերվել են թմրանյութերի փաթեթավորման նյութեր և, ենթադրաբար, թմրանյութերի ապօրինի շրջանառությունից ստացված գումար։
Մեղադրյալներից մեկի ձերբակալման ժամանակ վիրավորվել է ոստիկանության աշխատակից։ Հանցագործը դիտավորյալ հարվածել է Կենտրոնական քրեական ոստիկանության բաժնի աշխատակցին և նախարարությանը գրանցված մեքենային։
Արդյունքում ոստիկանության աշխատակիցը ստացել է տարբեր վնասվածքներ և տեղափոխվել հիվանդանոց՝ անհրաժեշտ բժշկական օգնություն ստանալու համար։
Ձերբակալվածներին սպառնում է մինչև 20 տարվա ազատազրկում կամ ցմահ ազատազրկում։
