Reuters. ԱՄՆ նախագահ Թրամփը մարտի 31-ից ապրիլի 2-ը կայցելի Չինաստան
ԱՄՆ նախագահ Դոնալդ Թրամփի այցը Չինաստան տեղի կունենա մարտի 31-ից ապրիլի 2-ը։ Այս մասին հայտնել է Reuters-ը՝ հղում անելով Սպիտակ տան մամուլի ծառայությանը։
ԱՄՆ նախագահը վերջերս հաստատել է գարնանը Չինաստան այցելելու իր մտադրությունը՝ նշելով, որ անհամբեր սպասում է Չինաստանի նախագահ Սի Ծինփինի հետ հանդիպմանը։ Դոնալդ Թրամփը վստահեցրել է, որ ԱՄՆ-ն «այժմ շատ լավ հարաբերություններ ունի Չինաստանի հետ»։ Նա նաև Սի Ծինփինի հետ իր անձնական հարաբերությունները բնութագրել է որպես «շատ լավ»։
Ընդհանուր առմամբ, ինչպես նախկինում մի քանի անգամ հաղորդվել է, ԱՄՆ-ի և Չինաստանի առաջնորդները կարող են 2026 թվականին անցկացնել չորս անձնական հանդիպում։ Քննարկումները ներառում են Թրամփի Չինաստան այցելելու մտադրությունը, Վաշինգտոնում կամ ամերիկացի առաջնորդի Մար-ա-Լագո կալվածքում (Վեսթ Պալմ Բիչ, Ֆլորիդա) հնարավոր հանդիպումը, Մայամիում կայանալիք G20 գագաթնաժողովը և ԱՄՆ վարչակազմի ղեկավարի հնարավոր ուղևորությունը Շենժենում կայանալիք APEC գագաթնաժողով։
Opinion, pooling and voting
