Նինոծմինդայի մունիցիպալիտետում իջեցվել են պետական դրոշները

Խորհրդային օկուպացիայի օրվա կապակցությամբ Նինոծմինդայի մունիցիպալիտետի վարչական շենքերի վրա իջեցվել են պետական ​​դրոշները։

Նշենք, որ 1921 թվականի փետրվարի 25-ին Կարմիր բանակը գրավեց Թբիլիսին, տապալեց ազատ ընտրված կառավարությունը և անեքսիայի ենթարկեց երկիրը որպես միջազգային իրավունքի սուբյեկտ։

Անկախության կորստին հաջորդեցին դաժան բռնաճնշումները, քաղաքական կուսակցությունների արգելքը, հազարավոր մարդկանց մահապատիժները, երկարատև բանտարկությունները և աքսորը։

1991 թվականի ապրիլի 9-ին, հանրաքվեի արդյունքների հիման վրա, Վրացական ԽՍՀ Գերագույն խորհուրդը ընդունեց ակտ, որով վերականգնվեց Վրաստանի պետական ​​ինքնիշխանությունը՝ որպես Վրացական Դեմոկրատական ​​Հանրապետության իրավահաջորդ։

2010 թվականի հուլիսի 21-ին Վրաստանի խորհրդարանը ընդունեց որոշում, որով փետրվարի 25-ը հայտարարվեց Խորհրդային օկուպացիայի օր։

---

---