Իրանը հաստատում է, որ Խամենեին սպանված է, 40-օրյա սուգ կլինի երկրում

Իրանի պետական լրատվամիջոցները հաստատել են՝ երկրի գերագույն հոգևոր առաջնորդ այաթոլլա Ալի Խամենեին սպանված է Միացյալ Նահանգների և Իսրայելի հասցրած հարվածներից հետո:

Հայտարարելով երկրի 86-ամյա առաջնորդի մահվան մասին՝ պետական լրատվամիջոցները հաղորդում են, որ սկսվում է 40-օրյա սուգ, և գրասենյակներն ու բիզնեսները 7 օր փակ են լինելու:

Պետական հեռուստատեսությունը տեղական ժամանակով ժամը 5-ին հաղորդելով Խամենեիի մահվան մասին, չի հիշատակել ԱՄՆ և Իսրայելի օդային հարվածները:

Պետական լրատվամիջոցները հավաստիացնում են, որ գերագույն առաջնորդը սպանվել է իր գրասենյակում, և ոչ թե բունկերում թաքնված, ինչպես որոշ հաղորդումներ են պնդում:

Ավելի վաղ հաղորդվել էր, որ Իսրայելի հարձակման հետևանքով զոհվել են Իրանի պաշտպանության նախարար Ազիզ Նասերզադեն և Իսլամական հեղափոխության պահապանների կորպուսի հրամանատար Մոհամմադ Պակպուրը։

Հիշեցնենք, որ երեկ ԱՄՆ-ը և Իսրայելը համատեղ հարվածել են Իրանին: Իրանը ևս պատասխան հարվածներ է հասցրել:

Azatutyun.am