Մրցույթ է հայտարարվել Նինոծմինդայի Փ․ Խանչալի, Մեծ և Փոքր Գոնդուրա գյուղերի ճանապարհների ասֆալտապատման համար

Նինոծմինդայի մունիցիպալիտետում նախատեսվում են ներքին ճանապարհների ասֆալտապատման և վերականգնման լայնածավալ աշխատանքներ։ Հայտարարվել է մրցույթ Նինոծմինդայի մունիցիպալիտետի Փ․ Խանչալի, Մեծ Գոնդուրա և Փոքր Գոնդուրա գյուղերի գյուղամիջյան ճանապարհների ասֆալտապատման համար ։

Ընդհանուր առմամբ, մրցույթի նախագծերի արժեքը կազմում է 2,667,208 լարի՝ 5 տոկոսը հատկացվում է մունիցիպալ բյուջեից՝ 95 տոկոսը պետական։

Փ․ Խանչալի գյուղի ներքին ճանապարհների ասֆալտապատման նախագծի ընդհանուր արժեքը կազմում է 805,889 լարի։ 2026 թվականին նախատեսվող աշխատանքների մոտավոր արժեքը կազմում է 500,000 լարի։

Այդ գումարից՝

• Տարածաշրջանային զարգացման հիմնադրամի բաժինը կազմում է 475,000 լարի (95%),
• Տեղական ինքնակառավարման միավորի բյուջեի բաժինը՝ 25,000 լարի (5%)։

2027 թվականին աշխատանքների իրականացման համար կհատկացվի 305,889 լարի։

Մեծ Գոնդուրա գյուղի ներքին ճանապարհների վերականգնման նախագծի ընդհանուր արժեքը կազմում է 1,077,000 լարի։ 2026 թվականին իրականացվելիք աշխատանքների գնահատված արժեքը կազմում է 500,000 լարի։

• Տարածաշրջանային զարգացման հիմնադրամի բաժինը՝ 475,000 լարի (95%),
• Տեղական բյուջեի համաֆինանսավորումը՝ 25,000 լարի (5%)։

2027 թվականին նախատեսվում է հատկացնել 577,000 լարի՝ ներառյալ ԱԱՀ-ն։

Փոքր Գոնդուրա գյուղի ներքին ճանապարհների ասֆալտապատման աշխատանքների ընդհանուր գնահատված արժեքը կազմում է 784,319 լարի։

2026 թվականին նախատեսվող աշխատանքների արժեքը կազմում է 400,000 լարի ։

• Տարածաշրջանային զարգացման հիմնադրամի բաժինը՝ 380,000 լարի (95%),
• Տեղական բյուջեի բաժինը՝ 20,000 լարի (5%)։

2027 թվականին աշխատանքների համար կհատկացվի 384,319 լարի։

---

---