Երբվանից կբարձրանա էլեկտրաէներգիայի սակագինը

Վրաստանի մայրաքաղաք Թբիլիսիում ապրիլի 1-ից կբարձրանան էլեկտրաէներգիայի սակագները։ Այդ մասին հայտարարել է Վրաստանի էներգետիկայի և ջրամատակարարման կարգավորող հանձնաժողովը՝ նշելով, որ բոլոր կենցաղային բաժանորդների համար սակագինը կավելանա 5 թեթրիով ։

Վրաստանի այլ շրջաններում սակագների բարձրացումը կգործի հուլիսի 1-ից։

Նոր սակագները կկազմեն․

Մինչև 101 կՎտ⋅ժ սպառում ունեցող բաժանորդների համար՝ 15.04-ից կբարձրանա մինչև 20.04 թեթրի մեկ կՎտ⋅ժ-ի համար։

101-301 կՎտ⋅ժ սպառման դեպքում՝ 19.05-ից մինչև 24.05 թեթրի ։

301 կՎտ⋅ժ-ից բարձր սպառման դեպքում՝ 23.54-ից մինչև 28.54 թեթրի ։

Նշենք, որ վերջին անգամ Վրաստանում սակագները վերանայվել էին 2023 թվականին, երբ դրանք նվազեցվել էին 3 թեթրիով բոլոր սպառողների համար։

---

---