Ուղևորատար մեքենաների ակցիզային հարկից ստացված գումարի չափն աճել է

2026 թվականի հունվար-մարտ ամիսներին թեթև մարդատար ավտոմեքենաների ակցիզային հարկից բյուջե մուտքագրված գումարն աճել է 28.3%-ով։

Ավելի կոնկրետ՝ Վրաստանի համախմբված բյուջեի մուտքերի համաձայն, ընթացիկ տարվա առաջին երեք ամիսներին թեթև մարդատար ավտոմեքենաների ակցիզային հարկից բյուջե է մուտքագրվել 76 մլն 10 հազար 270 լարի` այն դեպքում, երբ նախորդ տարվա նույն հաշվետու ժամանակահատվածում այս ցուցանիշը կազմում էր 59 մլն 248 հազար 458 լարի։

Հատկանշական է, որ վիճակագրության համաձայն՝ ընթացիկ տարում 12%-ից մինչև 13.5%-ի է բարձրացել ավտոմեքենաների ակցիզից բյուջե մուտքագրված գումարի մասնաբաժինը ակցիզային հարկից գեներացված ընդհանուր գումարի մեջ։

Մասնավորապես, 2026 թվականի հունվար-մարտին ընդհանուր առմամբ ակցիզային հարկից գանձարան մուտքագրված գումարը կազմել է 559 մլն 972 հազար 690 լարի, իսկ 2025 թվականի նույն հաշվետու ժամանակահատվածում այդ ցուցանիշը 490 մլն 491 հազար 67 լարի էր։

Հիշեցնենք, որ մինչև 2024 թվականը թողարկված բոլոր ավտոմեքենաների մաքսազերծումը թանկացել է։ Նոր օրենսդրությամբ՝ 0-ից մինչև 6 տարի օգտագործված ավտոմեքենաների մի մասի համար ակցիզի դրույքաչափը սահմանվել է շարժիչի ծավալի 1 խորանարդ սանտիմետրի համար 1.5 լարիի չափով։

6 տարուց հին ավտոմեքենաների դեպքում մաքսազերծման վճարը դարձել է 4.5 լարի, ինչը փաստացի 5.6 անգամ աճած սակագին է։ Օրենքի հին խմբագրությամբ՝ 6 տարուց ավելի վաղ թողարկված ավտոմեքենաների մաքսազերծման համար շարժիչի 1 խորանարդ սանտիմետրը հարկվում էր 0.8 լարի ակցիզով

---

---