Վրաստանը նշում է Ընտանեկան սրբության և ծնողների նկատմամբ հարգանքի օրը

Ընտանիքի սրբության և ծնողների նկատմամբ հարգանքի օրվա կապակցությամբ այսօր՝ մայիսի 17-ին, Թբիլիսիում և խոշոր քաղաքներում կանցկացվի երթ։

Թբիլիսիում հոգևորականներն ու ծխականները ժամը 10:00-ին կհավաքվեն Քաշվեթիի Սուրբ Գիորգիի տաճարում։

Քաշվեթիում հավաքված երթի մասնակիցները ժամը 11:00-ին կուղևորվեն Սուրբ Երրորդության Պատրիարքական տաճար՝ հանդիսավոր աղոթքի երթով, որտեղ Համայն Վրաստանի Կաթողիկոս-Պատրիարք, Մցխեթա-Թբիլիսիի արքեպիսկոպոս և Բիճվինթայի և Ցխում-Աբխազիայի միտրոպոլիտ, Նորին Սրբություն և Երանություն Շիո III կմատուցի առաջին տոնական պատարագը։ Պատարագին կմասնակցեն տարբեր եկեղեցիների պատվիրակություններ։

Ընդհանուր երթը կանցկացվի հետևյալ քաղաքներում՝ Թբիլիսի – Քաշվեթիի տաճար, Ռուսթավի – քաղաքապետարան Քութայիսի – Աղմաշենեբելիի անվան տաճար, Գորի – Զատկի տաճար, Բաթումի – Մայր տաճար, Ախալցիխե – Համբարձման տաճար, Զուգդիդի – Դադիանիի տաճար, Թելավի – Մարիամ Աստվածածնի տաճար, Մցխեթա – թատրոն, Օզուրգեթի – Մայր տաճար։

1tv.ge

---

---