Գերմանիայում, Դանիայում և Չեխիայում գրանցվել է ռեկորդային բարձր ջերմաստիճան

Եվրոպայում շարունակվում է աննախադեպ շոգը։ Գերմանիայում, Դանիայում և Չեխիայում գրանցվել է բարձր ջերմաստիճանի ռեկորդ։

Գերմանիայում օդի ջերմաստիճանը հասել է 41.5 աստիճանի, ինչը նոր ռեկորդ է երկրի պատմության մեջ։ Ուժեղ շոգի պատճառով Բեռլինի ոստիկանությունը քաղաքում մարդկանց զովացնելու համար օգտագործել է երկու ջրցան մեքենա։

Չեխիայում նույնպես գրանցվել է ռեկորդային ջերմաստիճան։ Երկրի օդերևութաբանական ծառայության հաղորդմամբ, Պրահայից հյուսիս գտնվող Դոքսանի շրջանում ջերմաստիճանը հասել է 40.8 աստիճանի։ Սա Չեխիայի պատմության մեջ ամենաբարձր ջերմաստիճանն է։

Դանիայում, Օդում քաղաքում, գրանցվել է 37 աստիճան։ Վերջին անգամ երկրում նման ջերմաստիճան գրանցվել է 1976 թվականին։

Համաշխարհային օդերևութաբանական կազմակերպությունը հայտարարել է, որ շոգի ալիքը կարող է զգալի ազդեցություն ունենալ մարդու առողջության և էկոհամակարգերի վրա։ Ներկայումս Եվրոպայում մոտ 150 միլիոն մարդ ստիպված է ապրել 35 աստիճան Ցելսիուսից բարձր ջերմաստիճանի պայմաններում։

---

---