Տեղի ունեցավ Նինոծմինդայի երաժշտական դպրոցի հաշվետու համերգը

Նինոծմինդայի մշակույթի տանը տեղի ունեցավ Նինոծմինդայի երաժշտական դպրոցի հաշվետու համերգը, որի ընթացքում ամփոփվեցին ուսումնական տարվա ձեռքբերումներն ու կատարված աշխատանքները։

Համերգի ընթացքում դպրոցի սաները ներկայացրին երաժշտական բազմազան կատարումներ՝ ցուցադրելով տարվա ընթացքում ձեռք բերած գիտելիքներն ու կատարողական հմտությունները։

Միջոցառման ավարտին դպրոցի տնօրեն Վարդուհի Մարաբյանը շնորհակալագրեր հանձնեց դպրոցի ուսուցիչներին և աշակերտներին՝ մեկ տարվա ընթացքում ցուցաբերած նվիրված աշխատանքի, ձեռքբերումների և ակտիվ մասնակցության համար։